ගම්පොළ පාලනයේ නිමාව
දෙවන වීරබාහු රජ වන විට දේවරක්ෂිත ජයබාහු ධම්මරක්ඛිත හිමිපාණෝ මාහිමි තනතුරට පත්ව සිටියහ. රජු මාහිමිපාණන්ගේ මූලිකත්වයෙන් ශාසන ශෝධකයා කරවා තමාගේ පුතණුවන් ද සසුන්ගත කරවීය. නිකාය සංග්රහය එසේ වුව ඔහුගේ සහෝදරයා වන අලකේශ්වර හෙවත් අලගක්කෝනාර එම පාලනය නොපිළිගෙන රයිගම සිට පහතරට ප්රදේශයේ පාලනය කරන්නට විය.
රජු අලකේශ්වර අල්ලා ගැනීමට ජයවර්ධනපුර කෝට්ටේට ගිය අතර අලකේශ්වර දඹදිවට පලා ගියේය. (අස්ගිරි තල්පත, සද්ධර්මරතනාකරය) විජයබාහු රජු දළදා වහන්සේ ද, සාර වස්තුව ද ගම්පොලින් ගෙන්වා ජයවර්ධනපුරය අගනුවර කොට එහිම වාසය කරන්නට වීය.
වීරබාහු රජුගේ අභාවයෙන් පසුව දඹදිවට පලා ගොස් සිටි වීර අලකේශ්වර නැවතත් සිය රට පැමිණ හයවන විජයබාහු නමින් රජ විය. එකල චීන අධිරාජ්යයක් වූයේ ඉයුංලෝ නැමැත්තාය.
ඔහුගේ සමයේ දී ක්රිස්තු වර්ෂ 1405 දී චීං හෝ නම් චීන සේනාධිපතියෙක් සුවඳ විලවුන් වැනි දේ ද පූජා භාණ්ඩ ආදිය ද ගෙන ලක්දිවට පැමිණියේ ය. වීර අලකේශ්වර ඔහුට දැක්වූයේ සතුරු ආකල්පයකි. දකුණ බලා යාත්රා කළ හෙතෙම දෙවුන්දර උපුල්වන් දේවාලයට පුද පඬුරු පූජා කොට චීන, පර්සියානු හා දමිළ යන භාෂා තුනෙන් සෙල් ලිපියක් ද පිහිටුවා ආපසු ගියේය.( ගාල්ලේ ඇති ත්රෛභාෂා සෙල්ලිපිය )
ඔවුහු ක්රිස්තු වර්ෂ 1408 දී විශාල නැව් හමුදාවක් ද ගෙන නැවතත් මේ රට බලා යාත්රා කළේය. වීර අලකේශ්වර එවර ද ඔහු කෙරෙහි සතුරු ආකල්පයක් දැක්විය. චීන මූලාශ්රයන්ට අනුව 50,000ක පමණ බලෑණියක් සූදානම් කළ හෙතෙම ගස් කපා හෙළා චීං හෝ එන මාර්ගය අවහිර කොට, ඔහුගේ නැව් විනාශ කිරීමට ද තැත් කළේය.
අවාසනාවකට මෙන් චීං හෝ වෙත එම ආරංචිය ලැබුණේ අලකේශ්වර ගේ හමුදාව තුළින්මය.වහා ක්රියාත්මක වූ චිං හෝ 3000 බලඇණියක් ද ගෙන එක් රාත්රියක වෙනත් මගකින් නගරයට ප්රවිෂ්ඨ වූයේ ය.
සිංහල සේනා හා දින හයක් පුරා සටන් වැදුණු හෙතෙම, අලකේශ්වර ද ඔහුගේ නෑසියන්ද, සිය භාරයට ගෙන නුවර දොරටුවෙන් පිටව අතරමග බාධක ඉවත් කරමින් ද, සටනෙහි නියැලෙමින් ද තම නැව් කරා ළඟා වූයේය. නගරයේ සිට නැව් තොට දක්වා දුර සැතපුම් පහකි. ඒ අනුව සටන සිදු වූයේ කෝට්ටේ බලකොටුව තුළ බව විශ්වාස කළ හැකිය.
චීන රාජ සභාව හමුවට පමුණුවන ලද සිරකරුවන් මරණයට පත් කරන ලෙසට එරට ඇමති මණ්ඩලයේ උපදෙස් ලැබුණ ද, ඔවුන් නොමැරූ චීන අධිරාජයා සිරකරුවන් පිරිස නැවතත් ආපසු එවා ඇත. චීනයට ගෙන ගිය රජ පවුලේ සිටි පරාක්රමබාහු නම් කුමාරයා රජ බවට තෝරා ගන්නා ලදී. ඔහු ක්රිස්තු වර්ෂ 1412 දී පමණ ලංකාවට පැමිණ "ජාති ගාමපුර" හෙවත් දෙදිගම සිය රාජධානිය කොටගෙන ප්රාදේශීය රජෙකු වශයෙන් රජකම් කරන්නට විය.
එහෙත් ඒ වනවිට හයවන පරාක්රමබාහු නම් කුමාරයෙක් කෝට්ටේ රාජධානියේ රජ බවට පැමිණ සිටියේය. දැදිගම රජු සමඟ කිහිප වරක් සටන් කළ හෙතෙම ඔහු මරවා තමාගේ රජකම ස්ථිර කර ගත්තේය.
සෙව්වන්දි ප්රේමතිලක
මතුසම්බන්ධයි
No comments:
Post a Comment