ඔහොරියේ පොට...
තුන් මාසයකට කලින්
පිරූ පෙරුමන් තුළින්
ජීවිතයේ වෙන්දේසිය මතින්
තුන් ඈවරයෙන් ලැබූ අයිතියෙන්
මාසේ පඩියම ඇපය කරලා
ලෝන් ගත්තා සාද කරලා
නිළමේ ඇඳුමට රෙදි ඔබාලා
වටේ ඔතලා ඇන්දුවා
මැණිකේ උඩරට විලාසෙන්
ඔහොරියෙ රැලි විලාසෙන්
නළල් තලයේ රැන්දු තැල්ලේ
පාට වියැකී ගියාදෙන්
මගුලදා හත් මාළු කෑවා
පහුවදා බුරියානි හැදුවා
හත් දිනක් ගිය දා සිටන් අපි
ලුණුත් එක්ක ම බතුයි කෑවා
ඔහොරියේ පොට ඉණට තදකර
ගැටගසාගෙන රෙද්ද කැටිකර
පොරණේ දර ලිපට මැදිකර
තැම්බුවා කොළ බෙහෙත් ඖෂධ
තවත් අක්කෙක් ගෙදර මුල්ලේ
ලෙඩ ඇඳේ මව් දපා ඉන්නේ
ඇඟිලි මැදි කර දැමූ මුද්දේ
රස්නෙ යන්නට පෙරාතුව ඇයි
අතත් මිරිකා
හිතත් තළලා
මුද්ද අරගෙන පියමනින්නේ...
No comments:
Post a Comment