පද වැල්

 

 සිටින් එතනෝ වහන් වී

සඳට තරු එළි මුකුළු කරමින් 

හිරුගේ කිරණට මුවා වී 

පිපෙන්න නාඹර තඹරු විකසිත

සුවඳ දී ගමපුරා ගී

 විහඟ නද මුසු ගංදෑල සුදු 

සේද ඉනවට ඔතාවී 

එතන එන්න විට අඳුර පරදා 

එළිය එහි රජ කරාවී

පැලේ හේනේ තනිව උන්නා

රටාවට සී පද ගොතන් 

මොනරු පිල් විහිදා රඟද්දී 

සැලුණු හදවත තෙත් කරන්න

 ගව මහිස කැළ කඩුළු බිඳලා 

දොරකඩට විත් නෙත්   බැලුම්ලා 

පාළු කැපුමට එන්න අහවි ද 

එපා එතනෝ දොර අරින්නට

 බැද්ද නපුරක් කරාවි 

නිහඬ වී නුඹ සිටිද්දි 

උන් හැරී ගොස් බලාවි 

නුඹ බලාවි සිතාවි

තදකරන් හිත පැලට රිංගා 

සිටින් එතනෝ වහන්වී...

                                                - සෙව්වන්දිප්‍රේමතිලක -